Сентябрда Мисирде өткөрүлө турган президенттик шайлоого азыркы президент Хосни Мубарак дагы катышмай болду. Ал алгачкы жолу 1981-жылы президент болгон жана андан бери дагы үч жолу алты жылдык мөөнөткө шайланган, азыркы шайлоо Мубарак үчүн бешинчи шайлоо болот. Бирок буга чейин Мубарак жалгыз талапкер болуп келсе, азыркы шайлоого 1981-жылдан кийин биринчи жолу башка талапкерлер да катышат.
