Ирактын Конституциянын долбоорун даярдап жаткан эксперттер аны бүтүрүүгө дагы убакыт сураган жатышат. Ирактын президенти Жалал Талабани менен АКШнын өкүлдөрү долбоор 15-августка чейин парламенттин кароосуна берилиш керек деп талап кылышууда. Азыр Конституциянын долбоорунун 90 проценти даяр. Бирок талаш суннилер, шиилер жана күрддөрдүн федерализм факторунда ойногон ролунан келип чыгууда. Андан тышкары исламдын ролу, борборду кантип атоо керек деген маселелер да талаш болууда.
