БИШКЕК. Бишкек шаарынын мэрин шайлоо 18-августта болот. Бул тууралуу Бишкек шаардык кеңешинин 16-сессиясында белгилүү болду. Бишкек шаарынын мэринин милдетин аткаруучу Аскар Салымбеков бул кызматка Курманбек Бакиевдин буйругу менен 20-апрелде дайындалган. Ал Жогорку Кеңештин депутаттыгына Атбашы округу боюнча шайланган. Аскар Салымбеков парламентти же шаар башчылыгын тандаарын 14-августтагы президенттин ант берүү аземинен кийин айтаарын “Азаттыкка” 2-августта билдирди.