БИШКЕК. Оштогу тергөө абагында жаткан 15 өзбек атуулунун дагы бирөөсүнө Бириккен Улуттар уюмунун Качкындар боюнча башкармалыгы тарабынан качкын мандаты берилди. Бул тууралуу качкындардын укугун коргоочу «Адилет» уюмунун лидери Чолпон Жакупова 5-августта билдирди. Буга чейин 15 качкындын он бирине качкын мандаты берилген. Эми мандатсыз үч качкын калууда. Бирок алардын маселеси да оң чечилиши күтүлүүдө, деп белгиледи Чолпон Жакупова.
