БИШКЕК. Президенттин милдетин аткаруучу Курманбек Бакиев 24-25-марттагы талап-тоноочулукта жабыр тарткан ишканаларга жардам берүү жөнүндө мыйзамга кол койду. Ага ылайык 24-марттан кийинки талап-тоноочулукта жана башаламандыкта жабыр тарткан ишканалар үчүн салыктарды, бажы төлөмдөрүн төлөө мөөнөтү узартылат. Ыңкылаптан кийинки талап-тоноочулукта чыгымды атайын комиссия 1 миллиард сомдон ашык деп тапкан.