Украинанын президенти Виктор Ющенко Орусия, Беларусь жана Казакстан менен Бирдиктүү экономикалык мейкиндикти түзүүгө Украина катышаарын жарыя кылды. Бирок бул аракет Киевдин Батыш менен кызматташуусуна кедергисин тийгизбеши керектигин да баса белгиледи. Буга чейин Украинанын экономика министри Виктор Терехин Украина Бирдиктүү экономикалык мейкиндиктен чыгат деп билдирген жана аны премьер-министр Юлия Тимошенко дароо жокко чыгарган болчу. Бирдиктүү экономикалык мейкиндик келишимине Орусия, Украина, Казакстан жана Беларусь мүчө.
