Израилдин коопсуздук күчтөрү Иордан дарыясынын батыш жээгиндеги эки жөөт кыштагын бошотушту

Өкмөттүн буйругуна баш ийип, өз ыктыяры менен көчүп кетүүдөн баш тарткан Санур жана Хомеш айылдарындагы элди аскерлер автобустарга жүктөп алып кетишти. Ошентип, Израилдин премьери Ариэль Шарондун планы боюнча Газа тилкеси менен Иордандын жээгинде көчүрүлө турган аймактар мөөнөтүнөн мурда бошотулду.