БИШКЕК. Сентябрь айында Кыргызстанда күйүүчү жана майлоочу майдын баасы кымбатташы күтүлүүдө. Бул тууралуу курамына ондон ашуун күйүүчү май ташуучу ишканалар кирген Нефтрейдерлер ассоциациясынын башчысы Базарбай Мамбетов 24-августта Бишкекте өткөн маалымат жыйында билдирди. Анын айтымында, АИ-95 үлгүсүндөгү бензиндин баасы 21 сом, АИ-93 үлгүсүндөгү бензиндин баасы 19 сом 50, АИ-80 17,30, АИ-76 –17,30 тыйынга кымбаттайт. Жергиликтүү эксперттердин айтымында, күйүүчү майга баанын кымбатташы мунайга болгон дүйнөлүк баанын өсүшү жана Казакстан жана Орусия өкмөттөрүнүн күйүүчү майдын башка өлкөлөргө чыгаруу өлчөмүн азайтуусу менен байланыштуу.
