БИШКЕК. 25-августта №1-Университет шайлоо чөлкөмүнөн депутаттыкка талапкер төрт адамдын аты-жөнү белгилүү болду. Алар: Улуттук университеттин мугалими Медер Абдраев, журналист Болот Марипов, жана “Айкөл Манас” корунун жетекчиси Игорь Трофимов, “Фармация” акционердик бирикмесинин жетекчиси Кунай Шеримкулов. Бул тууралуу Борбордук шайлоо комиссиясынын басма сөз кызматынан билдиришти. Алардын маалыматына караганда, аталган шайлоо округунан дагы 5 адам депутаттыкка талапкерлигин коюу үчүн арыз жолдогон. Алардын аты-жөнү 26-августта белгилүү болот.
