БИШКЕК. Эгемендүүлүк күнүнө карата жума күндөн баштап Бишкек шаарында Ички иштер башкармалыгынын кызматкерлери эки мөөнөттө күчөтүлгөн тартипте күнү-түнү кызмат өтөөдө. Бул тууралуу Бишкек шаардык ички иштер башкармалыгынан билдиришти. Маалыматка караганда, күчөтүлгөн иш-чаранын негизинде үй мүлктөрдүү уурдоо, талап-тоноо сыяктуу бир катар кылмыштардын бети ачылып, автоунааларды уурдоо, бейбашчылык менен тартип бузуу сыяктуу майда кылмыштар кыйла азайган. Эгемендүүлүк күнүндө Бишкекте баш аламандыкка жол бербей, коомдук тартипти бузууну болтурбоонун алдын алуу багытында түшүндүрүү иштери жүргүзүлүүдө.
