БИШКЕК. Борбордук шайлоо комиссиясы Шайлоо кодексине өзгөртүүлөрдү жана толуктоолорду киргизүүгө кам көрүп жатат. Бул максатта 25-августтан бери ЕККУнун жана БУУнун өнүгүү программасынын Бишкектеги кеңселеринин колдоосу алдында өлкөнүн 8 аймагында конференция өтүүдө. Алар 13-сентябрда аяктайт. Конференцияларда президенттик шайлоонун жыйынтыктары талкууга алынып, анда түшкөн сунуштардын негизинде жумушчу топ мыйзам долбоорун Жогорку Кеңешке сунуштамакчы. Бул тууралуу 1-сентябрда БШКдан кабарлашты.
