Нью-Орлеандын бийликтери шаарды каптаган суу өлүктөр, химикаттар жана ар түрдүү таштандылар менен күйүүчү майларга ууланган саркынды болуп калганын билдирип, шаарда андан эпидемия чыгышы мүмкүн экенин эскертти. Полиция жана Улуттук гвардиянын аскерлери шаарда калып жаткан 10 миңдей кишини күчкө салып, эвакуациялоого белсенип жатышат. Президент Буш болсо алааматтын кесепеттерин жойуу үчүн Конгресстен 50 миллиард доллар сурамакчы.
