Өзбекстандагы оппозициялык “Эркин дыйкандар” партиясы өкмөттү ушинтип айыптап, тергөөчүлөр суракка алган күбөлөрдү жалган көрсөтмө бергенге мажбурлашкан деп билдирди. Ырасми докладда Анжиандагы козголоңду Өзбекстанда ислам мамлекетин түзүүнү көздөгөн тышкы күчтөр пландап, чет өлкөлөрдө даярдашкан деп ырасталат. “Эркин дыйкандар” муну чындыкка дал келбеген тыянак деп эсептейт.
