Бириккен Улуттардын сессиясында Иран президенти Махмуд Ахмадинежад чыгып сүйлөп, өлкөдө жетишилген өзөктүк технологияларды Иран башка мусулман мамлекеттерине таратууга даяр экенин билдирди. Аны менен катар, Ахмадинежаддын айтымында, Иран атом бомбасын өндүрүүнү көздөбөйт. Сессиядан тышкары Нью-Йоркто Алмания, Британия жана Франциянын тышкы иштер министрлери Ирандын тышкы иштер министри менен жолугуп, өлкөдөгү өзөктүк изилдөөлөр абалы тууралуу сүйлөштү, бирок андан эч жыйынтык чыкпаганы тууралуу кабарланууда.
