Бүгүн социал-демократтардын лидери, канцлер Герхард Шрөдер жана анын негизги атаандашы, христиан-демократтардын жетекчиси Ангела Меркел шайлоочуларга акыркы кайрылуу жасашты. Сурамжылоолор көргөзгөндөй, Меркелдин Германиянын тарыхында алгачкы аял-канцлер болуп калуу мүмкүндүгү жогору. “Биз Германиянын биригүүсүн ишке ашырган сыңары эле ар бириңердин турмушуңарды жакшыртуу үчүн, өлкөнүн 21-кылымда ийгиликтүү болушу үчүн көп иштерди жасай алабыз. Бул үчүн сиздин колдооңузга муктажмын”, - деген үндөө менен Ангела Меркел шайлоо кампаниясын аяктады. Өлкөнү 7 жылдан бери башкарып келаткан Шрөдер анын партиясы экономикалык кайра жаралууну социалдык тилектештикке залака тийгизбестен жүргүзө алат деп ишендирди.