Германияда 18-сентябрда парламенттик шайлоо болду. Анын алгачкы жыйынтыктары боюнча Анжела Меркел жетектеген Христиан-демократиялык союз 35,2 пайыз, Шрөдер башында турган Социал-демократиялык партия 34,3 пайыз добуш алды. Ушундан улам азырынча Германиянын канцлери ким болору белгисиз. Анжела Меркел шайлоого катышкан башка партиялар менен сүйлөшүү башталаарын жана өкмөттү түзүүгө бел байлаарын билдирди. Ал эми Шрөдер: “Шайлоочулар өз сөзүн айтты. Бул кырдаалда менден башка эч ким туруктуу өкмөттү түзө албасын факт айгинелеп турат»,- деп кырдаал өзүнөн башка эч кимге өкмөттү түзүүгө жол бербесин жарыя кылды.
