Британиянын "Индепендент" гезитинде бүгүн жарыяланган маегинде Ирактын каржы министри Али Аллави - өлкө казынасынан бир миллиард долларга жакын каражат уурдалып кеткени тууралуу билдирди. Анын айтымында, бул - тарыхтагы эң ири уурулуктардын бири. Мурдагы президент Саддам Хусейндин жакын тууганы Айман Сабави бүгүн өмүрүнүн аягына чейин эркинен ажыратылууга кесилди, ага - өкмөткө каршы чыккан согушкердерди каржылаган деген күнөө коюлду.