Ушул жылдын 7-июлунда Лондондо болгон терракты “Ал-Каида” жасагандыгын мойнуна алды.Бул тууралуу билдирүү жазылган видеотасманы Катардын “Ал-Жазира” телеканалы дүйшөмбүдө көрсөттү. Анда Усама Бен Ладендин шакирти Айман аз-Зауахри жардырууну “Ал-Каиданын” мүчөлөрү Улуу Британиянын “мусулмандарга каршы 100 жылдык” каршылыгы үчүн жасагандыгын билдирди. 7-июлдагы терракта 52 адам көз жумган.
