БИШКЕК. Президент Курманбек Бакиевдин жардыгы менен Бусурманкул Таабалдиев өлкөнүн башкы прокурорунун милдетин аткаруучу болуп дайындалды. Бул тууралуу жардыкка президент 19-сентябрда кол койгонун президенттин басма сөз кызматы 20-сентябрда таратты. Бусурманкул Таабалдиев буга дейре президенттик админстрациянын коргонуу жана коопсуздук иштери боюнча бөлүмүн жетектеп келген. Жаңы дайындалган башкы прокурордун милдетин аткаруучуну Башкы прокуратуранын жамааты менен өлкөнүн коопсуздук кеңешинин катчысы Мирослав Ниязов 20-сентябрда тааныштырды.
