БИШКЕК. Бажы тармагы аркылуу бир жыл ичинде көмүскө экономикага 56 миллион доллар каражат ооп кеткен. Бул тууралуу 22-сентябрда башкы прокуратуранын алдындагы адистештирилген прокуратура башчысынын милдетин аткаруучу Кубан Мамакеев билдирди. Анын айтымында, быйылкы жылкы иликтөөлөр боюнча Бишкек бажы бекети бюджетти 300 миллион сом, ал эми Ысыккөл бажы бекети 4 миллион сом зыянга учураткан. Ал эми аталган бекеттердин өкүлдөрү түшкө чейин маалымат жыйынын уюштурушуп, адистешкен прокуратура тарабынан кысым көрсөтүүлөр болуп жаткандыгын маалымдашкан.
