Ташкен шаарында Анжиян калабасынын уюштуруучулары деп айыпталып жаткан адамдардын соту уланууда. Айыпкерлер өздөрүнө коюлган айыптоолорду бүгүн кайрадан мойнуна алышып, укук коргоочулардын алар кыйноо астында жасабаган күнөөлөрүн мойнуна алды деген билдирүүлөрүн калпка чыгарышты. Ошондой эле прокурордун сөзүн кайталашып, Батыштык журналисттер менен укук коргоочулар аларды көтөрүлүшкө шыкактаганын айтышты. Өзбекстандык жана батыштык укук коргоочулар айыпкерлер полициянын кыйноосу астында аларга коюлган күнөөлөргө макул келишкен деп билдиришкен. 15 айыпкердин ичинде кыргызстандык үч жаран да бар.
