БИШКЕК. Каракол тергөө абагындагы айыпталуучу Досумбай Дүйшалиев сот иши акыйкат чечилбегенине байланыштуу нааразылык билдирип,19-сентябрдан бери ачкачылык жарыялады жана оозун ийне-жип менен тигип алып, наар албай отурат. Бул тууралуу анын уулу Жаангер Дүйшалиев 23-сентябрда “Азаттыкка” билдирди. Дүйшалиевдин ачкачылык жарыялаганын Каракол тергөө абагынын нөөмөт кызматынан да тастыкташты. Ысыккөл районундагы Чоңсарыой айыл өкмөтүнүн аймагындагы “Ынтымак” кооперативинин мурдагы жетекчиси Досумбай Дүйшалиев Кылмыш жаза кодексинин 169-беренеси менен 15 жылга күчөтүлгөн мөөнөткө эркинен ажыратылган.
