ТАЛАС. 21-сентябрь күнү башталган 4-спартакиадага Кыргызстандын аймагынан тогуз команда катышты. Алар спорттун он түрү боюнча таймашышты. Жалпы командалык биринчи орунду 126 упай топтогон таластык балбандар менен шамдагайлар ээлешти. Бишкек шаарынын командасы экинчи, Чүй облусунун командасы үчүнчү орунду камсыз кылышты. 5-спартакиаданы өткөрүү эстафетасы Нарын облусуна берилди. Эки жылдан кийин кайталануучу таймаштарга куш агытуу, ит салууну да киргизүү сунуштары айтылды.
