БИШКЕК. 27-сентябрда Тажикстанда Евразия экономикалык кызматташтык уюмунун өкмөт башчыларынын жыйыны өткөрүлөт. Отурумда жыйырмадан ашуун маселе каралат. Анда соода-экономикалык кызматташтыкты күчөтүү, биргелешкен бажы тарифин иштеп чыгуу, маданий кызматташтыкты чыңдоо тууралуу маселер бар. Бул жыйынга Кыргызстандан вице-премьер-министрдин милдетин аткаруучу Адахан Мадумаров жетектеген делегация катышат. Евразия экономикалык кызматташтык уюмуна Казакстан, Кыргызстан, Орусия, Тажикстан, Белоруссия өлкөлөрү мүчө.