Кечээ күнү Кабул шаарындагы аскерий машыгуу борборунда террор аракети ишке ашырылгандан кийин Бириккен Улуттардын борбор калаадагы аракеттери убактылуу токтотулду. Бир жан кечти өзүн-өзү жардырып жибергенден 12 адам каза тапты. Окуя үчүн жоопкерчиликти өзүнө Талибан кыймылы алды жана дагы жардыруулар болот деп билдирди. 18-сентябрда Ооганстанда парламенттик шайлоо өткөрүлгөн, шайлоо комиссиясынын айтымында, азырынча добуштардын жарымы гана саналып бүттү.
