АКШнын федералдык округдук судьясы Ирактагы Абу-Грейб түрмөсүндөгү адамдарды мазактоолор тартылган сүрөттөр менен тасмаларды жалпы элге жарыяласын деп Пентагонго көрсөтмө жазды. Судья Элвин Хеллерштейн сүрөттөрдү жарыялоо Ирактагы аскерлерге карата элдин нааразылыгын дагы күчөтөт деген АКШ өкмөтүнүн каршылыгын четке какты. Ал эми сүрөттөр жалпы элге көрсөтүлүп жарыялансын деген арыз менен сотко “Атуулдардын эркиндигин коргоонун америкалык союзу” кайрылган.
