“Ал-Каида” ядролук куралга ээ болууга катуу далалаттанып жатат. Мындай билдирүүнү Америкалык аскерлердин Жакынкы Чыгыштагы командачылыгынын башчысы Жон Абизейд АКШ Конгрессининин кош палатасынын куралдуу күчтөр боюнча комитеттеринин биргелешкен жыйынында жасады. Ал:“Ал-Каиданын” идеологиясын жеткире баалабай коюу жарабайт. Коммунизм менен фашизм дагы кичинекей, бирок идеяга катуу берилген адамдардан башталган. “Ал-Каида” жайылтып жаткан жек көрүү сезимине берилгендерди чыныгы исламды урматтаган адамдар деп түшүндүрүлүп жатат” - деп билдирди.
