БИШКЕК. Акыйкатчы Турсунбай Бакир уулу президент Курманбек Бакиевге кайрылуу жолдоду. Анда өлкөдөгү буюртма киши өлтүрүүлөргө байланышкан маселени Коопсуздук кеңешинин кеңейтилген жыйынында кароо тууралуу сунуш айтылган. Бул тууралуу Акыйкатчынын басма сөз кызматы 30-сентябрда тараткан маалыматта Турсунбай Бакир уулу мындай демилге менен буга дейре да өлкө бийлигине кайрылганы, өткөн жумада Жогорку Кенештин депутаты Баяман Эркинбаевдин белгисиз бирөөлөр атарбынан атып өлтүрүлүшү бул маселени Коопсузудк кенешине алып чыгуу зарылдыгын дагы бир жолу шарттаганы белгиленген.
