БИШКЕК. 1-октябрда Өкмөт үйүнүн алдына “Элдик ынкылапты коргоо” кыймылынын 15 мүчөсү нааразылык акциясына чыгышты. Алар “Президент Бакиев, эмне үчүн коррупцияга каршы күрөшпөй жатасыз?”, “Абдугапаров башкы прокурордун орун басарлыгына дайындалбасын”, “Абдугапаров коррупционер”, деп жазылган плакаттарды колдоруна кармап турушту. Нааразылык билдиргендер башкы прокурордун орун басарлык кызматына Абибулла Абдугапаровдун сунушталганына каршы болушуп, президенттен коррупцияга каршы күрөштү күчөтүү талаптарын коюшту.
