Нью-Йорк шаарында жайгашкан "Хюман Райтс Вотч" уюму АКШ менен Европа Биримдигине кайрылып, аларды Азербайжан жетекчилигинин акыркы аракеттерине баа берүүгө чакырды. Бакы шаарында ишемби күнү оппозиция ири митинг өткөргөн жана полиция аны күч менен таркаткан, дүйшөмбү күнү болсо өлкөнүн ички иштер министри Рамил Усубов атайын билдирүү таратып, 6-ноябрда өтө турган парламенттик шайлоо учурунда оппозиция козголоң уюштурууга даярданууда деп жарыялады.
