Кечээ күнү Орусиянын Санкт-Петербург шаарында орус, казак, кыргыз, өзбек жана тажик президенттеринин эки күндүк бийик жолугушуусу аяктады жана жыйында 1994-жылы түзүлгөн Борбор Азия кызматташуу уюмун Евразия экономикалык шериктештигине (ЕврАзЭС) кошуу чечими кабыл алынды. ЕврАзЭС 2000-жылдын октябрында түзүлгөн жана ага аталган беш мамлекеттен тышкары Беларус да кирет, ал эми Армения, Молдова жана Украина - байкоочулар.