Алардын төртөөсүнүн абалы өтө оор. Өлкөнүн Өзгөчө кырдаалдар министрлиги билдиргенине караганда, Хмельницк облусунда алгачкы 299 бала оорканага кечээ жаткырылган эле. Бүгүн аларга дагы 33 бала кошулду. Эки-алты жаштын аралыгында балдар жергиликтүү бакчада даярдалган тамак-аштан ууланганы болжолдонууда. Себеби, алгачкы иликтөө балдар кефирден ууланганын көргөзгөн. Былтыр Украинанын үч облусундагы мамлекеттик бала-бакчаларда тазалыктын начардыгынан тамак-аштан ууланып, 800дөй бала жабыр тарткан.
