Ирактын ички иштер министри Брайн Жабр Конституциялык референдум учурунда өлкөдө комменданттык саат киргизилээрин билдирди. Эмки бейшембиден 17-октябрга чейин курал-жарак ташууга уруксат берилбейт, провинциялар ортосундагы каттам чектелет жана эларалык аэропорт менен порттор жабылат. Бул чаралар козголоңчулардын кол салуулары күчөшү мүмкүн деген кооптонуулардан улам жасалып отурат. Ишемби күнү болсо Багдадда жан кечтинин жардыруусунан 7 киши мерт болду.
