Бул райондо америкалык аскерлер ирак армиясынын колдоосуна таянып, атайын операцияларды өткөрүп жатат. Кечээ Багдадга чукул жерде жолго көмүлгөн бомбадан бейжазык эки киши мерт кетип, төртөө жарадар болду. Рамади шаарында америкалык бир жоокер окко учту. Ирактын тышкы иштер министри Хошиар Зебари 15-октябрдагы референдумда Конституция кабыл алынбай калса, өлкөдө ала тополоң башталарын эскертти.
