Бир эле Пакистанда, ООНдун эсептери боюнча, курман болгондор 40 миңден ашышы мүмкүн. Азырынча 20 миң адамдын кыргын болгону ырасмий түрдө ырасталды. Жабыркагандар он миңдеп саналат, 120 миң адамга тыкыр жардам керек. Коңшулаш Индияда зилзаладан 700 киши апат кетти. ООН баш-көз болуп жаткан куткаруу иштерине ондогон өлкөлөрдөн, анын ичинде АКШдан, европалык мамлекеттерден, Россиядан жана Япониядан келген адистер катышып жатат.
