Орусиянын коопсуздук күчтөрү Кабардин-Балкар Республикасынын башкалаасы Нальчикке кол салган согушкерлердин мизи биротоло кайтарылды деп маалымдоодо. Ырасмий булактардын айтымында, кечээки атышууларда бардыгы 108 киши, алардын ичинде 72 согушкер, 24 милиция кызматкери жана 12 катардагы тургун курман болушту. Федералдык күчтөр согушкерлер барымтага алган милиция бөлүмү менен чакан дүкөндү толугу менен бошотушту.
