БИШКЕК. 15-октябрда Өкмөт үйүндө президент Курманбек Бакиевдин катышуусунда өкмөттүн кеңейтилген жумушчу кеңешмеси өттү Ага өкмөт мүчөлөрүнөн сырткары Жогорку Кеңештин депутаттары, облус губернаторлору, район-шаар акимдери, саясий партиялардын жана бейөкмөт уюмдардын өкүлдөрү катышты. Жыйынды өкмөт башчы Феликс Кулов ачты. Андан соң президент Курманбек Бакиев өлкөнүн социалдык-экономикалык абалы жана жаңы өкмөттүн 2005-2006-жылдардагы милдеттери тууралуу баяндама жасады. Жыйында өкмөт мүчөлөрүнө, облус жана район башчыларына алдыда аткарылчу иштер тууралуу тийешелүү милдеттер коюлду. Жыйын Улуттук телекөрсөтүү аркылуу түз ободо көрсөтүлдү.
