Ортолук жана Түштүк чыгыш Европа өлкөлөрүнүн жетекчилери инвестиция салууну жеңилдетүүнүн жолдорун жана жалпы Европанын экономикалык өнүгүү моделин талкуулашты. Загребде өткөн эки күндүк жыйынга Европадагы кээ бир ири компаниялардын башчылары да катышты. “Daimler-Chrysler” автомобиль концернинин өкүлү Клаус Мэнгольд Европа эгер Индия, Кытай, Россия жана башка өлкөлөр менен атаандашууну кааласа, президенттер менен ишкерлердин мындай диалогу абдан баалуу деген пикирин билдирди.
