Эквадордун бийликтен кулатылган мурдакы президенти Лусио Гутиеррез саясый турмушка аралашуу үчүн мекенине кайтып келер замат камакка алынды. Бийликтер экс-президент өлкөгө келер замат камакка алынаарын мурдатан эскертип жүргөн. Гутиеррезди парламент апрелде бийликтен алып, ордуна Афредо Паласио коюлган. Гутиеррез Эквадордун 1997-жылдан бери бийликтен төңкөрүлгөн үчүнчү президенти.