БИШКЕК. Жогорку Кеңештин отуздан ашуун депутаты ар кайсыл өлкөлөргө командировкага кетишкендиктен 24-октябрга чейин парламенттин отуруму болбойт. Бул тууралуу Жогорку Кеңештин маалымат кызматынан кабарлашты. Ал эми Жогорку Кеңештин эл аралык бөлүмүнөн алынган маалыматка караганда, учурда төрага Өмүрбек Текебаев баштаган төрт депутат чет өлкөдө иш сапары менен жүрүшөт. Мындан сырткары 18-октябрда дагы 20 депутат Кипрге жөнөп кетишет.
