Орусиянын президенти Владимир Путин бүгүн Москвада Бразилиянын президенти Луис Инасио Лула де Сильва менен жолугат. ИТАР-ТАСС агенттиги кабарлагандай, эки жетекчи ич ара соода мамилелеринен сырткары бир катар эл аралык маселелерди да талкуулашат. Кабарда айтылгандай, Бразилия – Орусиянын Латын Америкадагы эң ири соода өнөктөшү, эки өлкө ортосундагы соода алакалары быйыл эле 2 млрд. долларды түзгөн.
