Орусиянын тышкы иштер министри Сергей Лавров бүгүн Түркмөнстанга келди, ал өлкө президенти Сапармурад Ниязов жана тышкы иштер министри Рашид Мередов менен Каспий деңизинин расми макамы менен байланышкан маселелерди талкуулайт. Эртең Лавров Ташкенге барып, президент Ислам Каримов менен жолугат жана андан соң Бээжинге барат. Кытайга бүгүн Орусиянын Коопсуздук кеңешинин катчысы Игорь Иванов да келди.
