БИШКЕК. Жалалабат областындагы Аксы округдук шайлоо комиссиясы 21-октябрда Жогорку Кеңештин депутаттыгына Азимбек Бекназаров жана Досаалы Иманбердиевди талапкер катары каттоодон өткөрдү. Кыргызстандын Шайлоо кодексине ылайык, Аксы шайлоо округу боюча Жогорку Кеңештин депутаттыгына талапкерлерди көрсөтүү 17-октябрда соңуна чыкты. Ал эми талапкерлерди катоо 1-ноябрда аяктайт. Аксы жана Түндүк шайлоо округу боюча шайлоо 27-нобярда өткөрүлөт.
