Индонезиянын борбору Жакарта шаарында куш ылаңынан бир адам өлдү жана өлкөдө бул илдеттен ажал тапкандардын жалпы саны төрткө жетти. 2003-жылдан бери Түштүк Чыгыш Азия мамлекеттеринде бул оорудан алтымышка жакын адам өлгөн. Кытайдын айыл чарба министрлиги бүгүн тараткан маалыматка караганда, өлкөнүн Анжуй деген түштүк аймагында тооктор арасында куш ылаңы кайра чыкты. Бул оорунун издери азыр Орусия, Түркия, Румыния, Грекия, Хорватияда табылууда.
