Азербайжандын оппозициялык күчтөрү бийликке каршы митинг-демонстрация өткөрүүдөн баш тартууга киришти. "Азадлыг" деген оппозициялык блок 30-октябрда Бакы шаарында ири митинг уюштурууга даярданып жаткан, бирок блокко кирген Элдик майдандын жетекчиси Али Керимли бүгүн билдиргенге караганда, ал болбой калышы мүмкүн. Анын айтымында, митингдин ордуна 4-ноябрда борбордук аянтта концерт уюштурулат. Парламенттик шайлоо 6-ноябрга белгиленген. 23-октябрда болсо полиция Бакыда өткөрүлгөн митингди күч менен таркатты.
