Нью-Йорк шаарында жайгашкан Журналисттерди коргоо комитети кечээ күнү өзбек президенти Ислам Каримовко кайрылып, өлкөдөгү журналисттерди куугунтуктоону токтотууга чакырды. Акыркы күндөрдө өлкөнүн өкмөттүк басма сөзүндө Анжиян окуялары тууралуу кабар тараткан чет өлкөлүк "Би-би-си", "Дойче велле", “Ассошиейтед пресс” жана "Азаттык" сыяктуу уюмдардын журналисттеринин аракеттери каралана баштады жана Би-би-си өзүнүн Ташкендеги кеңсесин жабууга да мажбур болду.
