Палестина автономиясынын төрагасы Махмуд Аббастын жардамчысы Набил Абу Рудейна кечээ күнү билдиргенге караганда, Газа тилкесинде араб, жөөт жана америкалык өкүлдөр ортосунда жыйын болуп өттү жана анын жыйынтыгында - Жакынкы Чыгыштагы кагылышууларды токтотуу чечими кабыл алынды. Анткен менен акыркы төрт күндүн ичинде Газа тилкесинде жөөт чабуулдарынан тогуз араб өлдү, Израил аскерлери болсо ал чабуулдарды - шаршемби күнү бир араб жигит өзүн өзү жардырып жибергенден беш жөөт жараны өлгөндөн кийин баштаган. Жекшемби күнү жөөт аскерлери Йордан дарыясынын батыш жээгинде эки араб жигитин атып өлтүрдү.
