Орус президенти Владимир Путин бүгүн кызмат сапар менен Нидерландка келүүгө тийиш. Сапар алдында ал голландиялык "Хандельсблад" деген гезитке интервью берип, Европа мамлекеттери террорчуларга каршы өтө эле жумшак мамиле кылууда, деп билдирди. Анын айтымында, европалыктар андай мамиле менен душманды сооротууну көздөйт, бирок андай философиянын аягы жаман болуп бүтүшү мүмкүн. Бириккен Улуттардын Адам укуктар боюнча комиссиясы жакында орус аскерлеринин Чеченстандагы аракеттерин сынга алган, Маскөө болсо ага каршы чыгып, аскерлер террорчулар менен согушууда деп билдриген.
