БИШКЕК. 3-ноябрда Бишкекте Борбордук жана Түштүк Азиядагы ишкерлердин тегерек үстөлдөгү эки күндүк талкуусу башталды. Азия Өнүгүү Банкынын демилгеси менен өтүп жаткан тегерек үстөлдө транспорт, суу-энергетика жана соода кызматташтыгындагы өлкөлөр ортосундагы проблемалар жана аларды чечүүнүн багыттары талкууга алынып жатат. Борбор Азия регионалдык экономикалык кызматташтык долбоорунун алкагындагы тегерек үстөлгө Ооганстан, Кытай, Орусия, Азербайжан, Пакистан, Монголия, Казакстан, Кыргызстан мамлекеттеринин ишкерлери катышууда
