Орусиянын премьер-министри Мхаил Фрадков Пекинде Кытайдын өкмөт башчысы Вэн Цзябао менен жолугушту. ИТАР-ТАССтын 3-ноябрдагы маалыматы боюнча, эки өкмөт башчы Орусия менен Кытайдын соода байланышын өстүрүү маселесин козгошуп, жакын арада Орусия-Кытай мунай түтүгүн курууну баштоону макулдашышты. Михаил Фрадков эки мамлекеттин мамилеси өз ара ишенүүчүлүктүн жогорку деңгээлине жеткенин белгиледи. Кытай өкмөт башчысы болсо эки тарап өнөктөштүк жана стратегиялык кызматташтык жолунда экенин билдирди.
